Il-maskra ta’ min jitkellem fuq ir-rispett, imma mbagħad joħloq il-kaos fil-Parlament. Il-maskra ta’ min iġib ruħu tal-paladin tad-demokrazija u l-ġustizzja, imma mbagħad ma jitlifx okkażjoni biex jattakka l-istituzzjonijiet.

Il-maskra ta’ min jipprova jipparalizza x-xogħol demokratiku billi joħloq burdell u jipprovoka lin-nies.

Maskri ta’ min jipprova jgħatti d-deċiżjonijiet tal-passat bi kliem fieragħ, meta kulħadd jaf x’ħallew warajhom.

Imma dan kollu inutli għax il-poplu Malti ma jinġibidx bil-pantomimi.

Il-poplu Malti jrid Gvern li jaħdem, li jħares l-ekonomija, li jħares l-interessi tal-ħaddiema, jipproteġi lill-familji imma anke lin-negozji.

Il-poplu Malti jrid Gvern li jimplimenta l-proġetti, li jwettaq dak li jwiegħed u li joffri futur għaż-żgħażagħ, u mhux inċertezza.

Inutli titkellem fuq l-għaqda imma mbagħad tkebbes il-firda. Inutli titkellem fuq il-pajjiż meta mbagħad tara kif toħloq l-ostakli u titfa’ dell ikrah fuq Malta għaliex illum hemm Gvern Laburista.

Mill-ħsara jbati kulħadd u mill-ġid igawdi kulħadd.

Il-Karnival għadda u mar, iżda xi wħud se jibqgħu jirkbu l-karrijiet is-sena kollha.